ന്യൂഡല്‍ഹി: ഇന്ത്യയുടെ ബോക്‌സിങ് സൂപ്പര്‍ താരം വിജേന്ദര്‍ സിങിന്റെ അടുത്ത മത്സരം ഓഗസ്റ്റ് അഞ്ചിന്. ചൈനയുടെ ഇതിഹാസ താരം സുല്‍ഫിക്കര്‍ മൈമത്യാലിയുമായിട്ടാണ് വിജേന്ദറിന്റെ പോരാട്ടം മുംബൈയിലാണ് മത്സരം നടക്കുക.
ഏഷ്യാ-പസഫിക് കിരീടം നിലനിര്‍ത്താനാണ് വിജേന്ദറിന്റെ ശ്രമം. ഡബ്ല്യു.ബി.ഒ ഓറിയന്റല്‍ സൂപ്പര്‍ മിഡില്‍വെയ്റ്റ് ചാംപ്യനാണ് മൈമത്യാലി. മുംബൈയിലെ വര്‍ളിയിലുള്ള എന്‍.എസ്.സി.ഐ സ്റ്റേഡിയത്തിലാണ് മത്സരം നടക്കുക. നിലവില്‍ മത്സരത്തിന്റെ ഭാഗമായി ഇംഗ്ലണ്ടിലെ മാഞ്ചസ്റ്ററില്‍ പരിശീലനത്തിലാണ് വിജേന്ദര്‍. അതേസമയം മത്സരത്തിന്റെ ആദ്യ ടിക്കറ്റുകള്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ക്ക് വിജേന്ദര്‍ കൈമാറി.