ഒറ്റപ്പാലം:ഉപേക്ഷിച്ച ബാഗില്‍ നിന്ന് മൂന്നരക്കിലോ കഞ്ചാവ് കണ്ടെത്തി. ഒറ്റപ്പാലം റെയില്‍വേ സ്‌റ്റേഷനില്‍ ഉടമസ്ഥനില്ലാത്ത ബാഗില്‍ നിന്നാണ് മൂന്നരക്കിലോ കഞ്ചാവ് കണ്ടെത്തിയത്. ഒറ്റപ്പാലം എക്‌സൈസ് സര്‍ക്കിള്‍ ഓഫിസിന്റെയും പാലക്കാടു റെയില്‍വേ പ്രൊട്ടക്ഷന്‍ ഫോഴ്‌സിന്റേയും നേതൃത്വത്തില്‍ ഒറ്റപ്പാലം റെയില്‍വേ സ്റ്റേഷനില്‍ നടത്തിയ പരിശോധനയിലാണ് രണ്ടാം പ്ലാറ്റ്‌ഫോമില്‍ നിന്ന് കഞ്ചാവ് കണ്ടെത്തിയത്.
കോയമ്പത്തൂരില്‍ നിന്നും തീവണ്ടി മാര്‍ഗ്ഗം ജില്ലയിലേക്ക് കഞ്ചാവ് എത്തുന്ന സന്ദേശം ലഭിച്ചതിനെ തുടര്‍ന്നുണ്ടായ പരിശോധയ്ക്കിടെയാണ് ബാഗ് കണ്ടെത്തിയത്. പ്രതിക്കായി പരിശോധന ആരംഭിച്ചതായി അധികൃതര്‍ പറഞ്ഞു. എക്‌സൈസ് ഒറ്റപ്പാലം സര്‍ക്കിള്‍ ഇന്‍സ്പക്ടര്‍ കെ.പി ജീസന്‍, പി.ഒ പ്രേമാനന്ദ കുമാര്‍, ദേവകുമാര്‍, പാലക്കാട് ആര്‍.പി.എഫ് ഇന്‍സ്പക്ടര്‍ രോഹിത്കുമാര്‍, സജി അഗസ്റ്റിന്‍ എന്നിവരടങ്ങിയ സംഘമാണ് പരിശോധന നടത്തിയത്.