വാടാനപ്പള്ളി: കുവൈത്ത് കെ. എം.സി.സി.യുടെ പ്രവര്‍ത്തനങ്ങള്‍ തുല്യതയില്ലാത്തതും മറ്റു സംഘടനകള്‍ക്ക് അനുകരിക്കാന്‍ കഴിയാത്തതുമാണെന്ന് പാണക്കാട് സയ്യിദ് അബ്ബാസലി ശിഹാബ് പറഞ്ഞു. കുവൈത്ത് കെ.എം.സി.സി.നാഷനല്‍ കമ്മിറ്റിയുടെ നാല്‍പ്പതാം വാര്‍ഷികത്തോടനുബന്ധിച്ച് വാടാനപ്പള്ളിയില്‍ നിര്‍മിക്കുന്ന ബൈത്തുറഹ്മയുടെ ശിലാസ്ഥാപനം നിര്‍വഹിച്ച് പ്രസംഗിക്കുകയായിരുന്നു തങ്ങള്‍. കുവൈത്ത് കെ.എം.സി.സി നാഷനല്‍ കമ്മിറ്റി ആക്ടിങ് സെക്രട്ടറി സിറാജ് എരഞ്ഞിക്കല്‍ അധ്യക്ഷനായി. മുസ്‌ലിം ലീഗ് ജില്ലാ ജനറല്‍ സെക്രട്ടറി ഇ.പി.കമറുദ്ധീന്‍ കുവൈത്ത് കെ. എം.സി.സി.നാല്‍പ്പതാം വാര്‍ഷിക സമ്മേളനം ഉദ്ഘാടനം ചെയ്തു. കുവൈത്ത് നാഷനല്‍ കമ്മിറ്റി ട്രഷറര്‍ എം.കെ.അബ്ദുല്‍ റസാഖ് പദ്ധതി വിശദീകരണം നടത്തി. മുസ്‌ലിം യൂത്ത് ലീഗ് ജില്ലാ ജനറല്‍ സെക്രട്ടറി എ.എം.സനൗഫല്‍, അസീസ് വലിയകത്ത്, പി.എം.ഷരീഫ്, പി.എ.മുഹമ്മദ് എ മോന്‍, സബിത്ത്, ദില്‍ഷാദ് , എ.എ.ഷാഹുല്‍ ഹമീദ് , സുബൈര്‍ കൊടുവള്ളി, ഖാലിദ് ഹാജില്‍, അഷറഫ് ഹുദവി,പി.എ.സുലൈമാന്‍ സംസാരിച്ചു.