ആലപ്പുഴ: ചെങ്ങന്നൂരില്‍ വൃദ്ധ ദമ്പതികളെ കൊല്ലപ്പെട്ട നിലയില്‍ കണ്ടെത്തി. കൊടുകുലഞ്ഞി പാറച്ചന്തയില്‍യിലാണ് ദമ്പതികളെ വെട്ടി കൊലപ്പെടുത്തിയ നിലയില്‍ കണ്ടെത്തിയത്. ആഞ്ഞിലിമൂട്ടില്‍ എപി ചെറിയാന്‍ (72), ഭാര്യ ലില്ലിക്കുട്ടി (68) എന്നിവരാണ് മരിച്ചത്. ചെറിയാന്‍ പുറത്തെ സ്റ്റോര്‍ മുറിയിലും ലില്ലി അടുക്കളയ്ക്കു സമീപവും വെട്ടേറ്റു മരിച്ച നിലയിലാണ് കാണപ്പെട്ടത്. ഇവരുടെ മക്കള്‍ വിദേശത്താണ്.

സംഭവത്തിന് പിന്നില്‍ മോഷണ ശ്രമമാണെന്നാണ് പൊലിസിന്റെ പ്രാഥമിക നിഗമനം. വെണ്‍മണി പൊലീസ് സ്ഥലത്തെത്തി പരിശോധനകള്‍ നടത്തുകയാണ്.