തൃക്കരിപ്പൂര്‍: യന്ത്രത്തകരാര്‍ മത്സ്യബന്ധന ബോട്ട് കരക്കടിഞ്ഞു. കണ്ണൂര്‍ അഴീക്കലില്‍ നിന്നും ഗോവയിലേക്ക് മത്സ്യബന്ധനത്തിനായി പുറപ്പെട്ട ബോട്ടാണ് തിങ്കളാഴ്ച പുലര്‍ച്ചെ രണ്ടുമണിയോടെ യന്ത്രത്തകരാറിനെ തുടര്‍ന്ന് വലിയറമ്പ റേഷന്‍ ഷോപ്പിന് പടിഞ്ഞാറു ഭാഗം കടലില്‍ കുടുങ്ങിയത്.
പരിസരത്ത് മത്സ്യബന്ധനം നടത്തുന്ന ബോട്ടുകള്‍, തൈക്കടപ്പുറത്തെ തൃക്കരിപ്പൂര്‍ തീരദേശ പൊലിസ്, ഫിഷറീസ് റെസ്‌ക്യു ടീം, നാട്ടുകാര്‍ എന്നിവരുടെ നേതൃത്വത്തില്‍ ബോട്ടിലുണ്ടായിരുന്ന 12 പേരെ രക്ഷപ്പെടുത്തി ബോട്ട് കരക്കെത്തിച്ചു.
വേലിയിറക്കമായതിനാല്‍ ബോട്ട് മണല്‍ തിട്ടയില്‍ കുടുങ്ങി. തമിഴ്‌നാട് സ്വദശി പി. ഷിബുവിന്റെ ഉടമസ്ഥതയിലുള്ള തമിഴ്‌നാട് രജിസ്‌ട്രേഷനിലുളള ബോട്ടാണ് അകടത്തില്‍പെട്ടത്.