പാലക്കാട്: ജില്ലാ പ്രിന്‍സിപ്പല്‍ കൃഷി ഓഫീസിലെ ചില ഉദ്യോഗസ്ഥരുടെ അനാസ്ഥ മൂലം ആര്‍മിയില്‍ നിന്നും വിരമിച്ച പട്ടാളക്കാരനും കുടുംബത്തിനും വീടുവെക്കാന്‍ അഞ്ചു സെന്റിന് കെ.എല്‍.യു നല്‍കാന്‍ തയാറാവുന്നില്ലെന്ന് ആക്ഷേപം. ജിലാ കലക്ടറും ആര്‍ ഡി ഒയും ആവശ്യപ്പെട്ടിട്ടും ജില്ലാ പ്രിന്‍സിപ്പല്‍ കൃഷി ഓഫിസിലെ ചില ഉദ്യോഗസ്ഥര്‍ ഇവരുടെ അപേക്ഷ ഓരോ കാരണം പറഞ്ഞു പിടിച്ചുവെച്ചിരിക്കുകയാണ് അപേക്ഷ നിരസിച്ചാല്‍ ബന്ധപ്പെട്ട കൃഷി ഭവന്‍ മുഖാന്തിരം കക്ഷിയെ വിവരം അറിയിക്കണമെന്ന നിയമംപോലും കാറ്റില്‍ പറത്തിയിരിക്കുകയാണ്. ചിറ്റൂര്‍ ബംഗ്ലാപറമ്പില്‍ വാടകക്ക് താമസിക്കുന്ന കെ ശരവണകുമാറിനാണ് കെ.എല്‍.യു നല്‍കാതെ വട്ടം കറക്കുന്നത്. എരുത്തേമ്പതി ഗ്രാമപഞ്ചായത്തിലെ വണ്ണാമടയിലെ കര്‍ഷക കുടുംബമായ പട്ടാളക്കാരന്‍ അതൊക്കെ വിറ്റുപെറുക്കിയാണ് ചിറ്റൂര്‍ കോളജിനടുത്തായി വീടുവെക്കാന്‍ അഞ്ചു് സെന്റ് സ്ഥലം വാങ്ങിച്ചത്.
കഴിഞ്ഞ ഒരു വര്‍ഷമായി ഓഫീസുകള്‍ കയറിയിറങ്ങിയിട്ടും അധികൃതര്‍ കനിയുന്നില്ല. ഈയിടെ വീട് വെക്കാന്‍ കെ.എല്‍.യു നല്‍കുന്നതിന് സര്‍ക്കാര്‍ ചില ഇളവുകള്‍ പ്രഖ്യാപിച്ചെങ്കിലും, നിയമത്തിന്റെ നൂലാമാലകള്‍ പറഞ്ഞു ശരവണകുമാറിന് കെ.എല്‍.യു നല്‍കാത്തതിനാല്‍ വീട് പണിയാന്‍ കഴിയാത്ത അവസ്ഥയുമുണ്ട്. 78 വയസുള്ള ശരവണ കുമാറിന്റെ അച്ഛന്‍ വി.കൃഷ്ണസ്വാമി ആര്‍മിയില്‍ നിന്നും വിരമിച്ച ഉദ്യോഗസ്ഥനായതിനാല്‍ ജില്ലാ സൈനിക ബോര്‍ഡിന്റെ കത്തും നല്‍കിയിട്ടുണ്ട്. എന്നിട്ടും ഇവര്‍ക്ക് കെ.എല്‍.യു നല്‍കാന്‍ തയാറായിട്ടില്ല. എന്നാല്‍ ഇവര്‍ക്കൊപ്പം അപേക്ഷിച്ച 29 പേരില്‍ 28 പേര്‍ക്കും കെ.എല്‍.യു നല്‍കാന്‍ തീരുമാനിക്കുകയും അവരെല്ലാം വീട് പണി പൂര്‍ത്തീകരിക്കുകയും ചെയ്തു കഴിഞ്ഞതായും പറയുന്നുണ്ട്.
2018 ഏപ്രില്‍ ഇരുപതിന് ആര്‍.ഡി ഓഫിസില്‍ നിന്നും എത്തിയ ഉദ്യോഗസ്ഥ പട്ടാളക്കാരനായ ഉദ്യോഗസ്ഥ കുടുംബമായതിനാല്‍ മാനുഷിക പരിഗണന നല്‍കി ഇവര്‍ക്ക് കെ.എല്‍.യു നല്‍കാമെന്ന് റിപ്പോര്‍ട്ട് നല്‍കിയെങ്കിലും പ്രിന്‍സിപ്പല്‍ കൃഷി ഓഫിസ് ഇവര്‍ക്ക് കെ.എല്‍.യു നല്‍കാന്‍ പറ്റില്ലെന്ന പിടിവാശിയിലാണ് ഇതു സംബന്ധിച്ച് ജില്ലാ കലക്ടര്‍ക്ക് പരാതി നല്‍കി. പതിനഞ്ച് ദിവസത്തിനകം അപേക്ഷയില്‍ തീര്‍പു കല്‍പിച്ചു റിപ്പോര്‍ട്ട് നല്‍കണമെന്നു കലക്ടര്‍ ആവശ്യപ്പെട്ടിട്ടും ഇതുവരെ കെ.എല്‍.യു നിരസിച്ചു കൊണ്ടുള്ള കത്ത് ചിറ്റൂര്‍-തത്തമംഗലം കൃഷി ഭവനിലേക്ക് അയച്ചു കൊടുക്കാന്‍ തയാറായിട്ടില്ല. പേക്ഷ നിരസിക്കാന്‍ കൃഷി ഉദ്യോഗസ്ഥര്‍ തയ്യാറായിട്ടില്ല. തിനെതിരെ വകുപ്പ് മന്ത്രി, മുഖ്യമന്ത്രി, മനുഷ്യാവകാശ കമ്മിഷന്‍ എന്നിവര്‍ക്ക് പരാതി നല്‍കാന്‍ ഒരുങ്ങുകയാണ് ഈ കുടുംബം.