കരുനാഗപ്പള്ളി :ചന്ദ്രനിലേക്ക് യന്ത്രമനുഷ്യനെയും വഹിച്ചുകൊണ്ടുള്ള ചന്ദ്രയാന്‍ രണ്ട് ദൗത്യത്തിന്റെ ഭാഗമായുള്ള ഉപഗ്രഹ വിക്ഷേപണം അടുത്ത വര്‍ഷം മാര്‍ച്ചില്‍ നടക്കുമെന്ന് ഐ.എസ്.ആര്‍.ഒയിലെ എല്‍.പി.എസ്.ഇ വിഭാഗം ഡയറക്ടര്‍ എസ് സോമനാഥ് പറഞ്ഞു.
അമൃത സര്‍വകലാശാലയില്‍ ആരംഭിച്ച 'റോബോല്‍സവം' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. അമൃത സര്‍വകലാശാല അസോസിയേറ്റ് ഡീന്‍ ഡോ.ബാലകൃഷ്ണ ശങ്കര്‍, അമൃതപുരി ക്യാംപസ് ഡയറക്ടര്‍ ബ്രഹ്മചാരി സുധീപ്, എന്‍ജിനിയറിങ് കോളജ് പ്രിന്‍സിപ്പല്‍ എസ്.എന്‍ ജ്യോതി, ലാബ് ഡയറക്ടര്‍ ഡോ.രാജേഷ് കണ്ണന്‍ സംസാരിച്ചു.