ചവറ: കൗമാരക്കാരിയെ പീഡിപ്പിക്കാന്‍ ശ്രമിച്ച യുവാവിനെ ചവറ പൊലിസ് അറസ്റ്റ് ചെയ്തു. പൊന്മന ഓലംതുരുത്ത് ഗിരീഷ് ഭവനത്തില്‍ ഗിരീഷ് (32) ആണ് പിടിയിലായത്.
ഞായറാഴ്ച കടയില്‍ സാധനം വാങ്ങാനെത്തിയ പെണ്‍കുട്ടിയെ ബൈക്കിലെത്തിയ ഗിരീഷ് കടന്നുപിടിക്കാന്‍ ശ്രമിച്ചു. പെണ്‍കുട്ടി ബഹളം വച്ചതിനെ തുടര്‍ന്ന് നാട്ടുകാര്‍ എത്തിയപ്പോഴേക്കും ഇയാള്‍ കടന്നുകളയുകയുമായിരുന്നു. തുടര്‍ന്ന് പെണ്‍കുട്ടിയുടെ വീട്ടുകാരുടെ പരാതിയില്‍ നടത്തിയ അന്വേഷണത്തിലാണ് പ്രതി പിടിയിലായത്. സ്ത്രീകള്‍ മാത്രം താമസിക്കുന്ന വീടുകളിലെത്തി ശല്യപ്പെടുത്തുന്നത് ഇയാളുടെ പതിവാണെന്നും പൊലിസ് പറഞ്ഞു.