തിരൂര്‍: കണ്ണൂരില്‍ നടന്ന സംസ്ഥാന ശാസ്‌ത്രോത്സവത്തിലെ ഗണിത മേളയില്‍ അഭിമാന നേട്ടവുമായി വളവന്നൂര്‍ ബാഫഖി യതീംഖാന വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍.
ഹയര്‍ സെക്കന്‍ഡറി വിഭാഗം അപ്ലൈഡ് കണ്‍സ്ട്രക്ഷനില്‍ ഷാന ഷെറിന്‍. എം എ ഗ്രേഡോടെ ഒന്നാം സ്ഥാനവും പ്യുവര്‍ കണ്‍സ്ട്രക്ഷനില്‍ ലിസ്‌ന ഷെറിന്‍ ഇ എ ഗ്രേഡോടെ മൂന്നാം സ്ഥാനവും പസിലില്‍ ആയിഷ റിസ്ത ടി.പി എ ഗ്രേഡും, ജ്യോമട്രിക്കല്‍ ചാര്‍ട്ടില്‍ ബദരിയ്യ ഷെറിന്‍ പി.പി എ ഗ്രേഡും ഹൈസ്‌കൂള്‍ വിഭാഗത്തില്‍ സ്റ്റില്‍ മോഡലില്‍ മുഹമ്മദ് നിഷാന്‍ കെ.പി എ ഗ്രേഡോടെ മൂന്നാം സ്ഥാനവും പസിലില്‍ ഷഹദ.പി എ ഗ്രേഡും പ്യുവര്‍ കണ്‍സ്ട്രക്ഷനില്‍ ഹെന്ന ടി.കെ എ ഗ്രേഡും നേടി. വിജയികളെ പരിശീലിപ്പിച്ച അധ്യാപകരായ അബ്ദുല്‍ വാഹിദ് കെ.പി, ലിജി എം പോള്‍ എന്നിവരെ സ്റ്റാഫ് കൗണ്‍സില്‍ അനുമോദിച്ചു. മുഹമ്മദലി.കെ, ഉസ്മാന്‍.പി, ഡെപ്യൂട്ടി ഹെഡ്മാസ്റ്റര്‍ മുഹമ്മദുപ്പ, അമീറലി എന്‍.കെ, കെ. ശശി, രമണന്‍.കെ, അബ്ദുല്‍ കരീം.കെ, അഹമ്മദ്.എം, സഹ്‌റ റുമൈസ സംസാരിച്ചു.