കോഴിക്കോട്: സമൂഹമാധ്യമത്തിൽ വ്യാജ ഇൻസ്റ്റഗ്രാം അക്കൗണ്ട് സൃഷ്ടിച്ച് യുവതിയുടെ നഗ്നചിത്രങ്ങൾ പ്രചരിപ്പിച്ച കേസിൽ യുവാവ് അറസ്റ്റിൽ. താമരശ്ശേരി ഈങ്ങാപ്പുഴ കുപ്പായക്കോട് സ്വദേശി കളളാടികാവ് ജെ. ജിബുനി (34) എന്ന യുവാവിനെയാണ് വടകര സൈബർ ക്രൈം പൊലീസ് അറസ്റ്റ് ചെയ്തത്.

യുവതിയുമായി മുൻപരിചയമുണ്ടായിരുന്ന ജിബുനാണ്, യുവതിയുടെ ഫോട്ടോയും പേരും ഉപയോഗിച്ച് വ്യാജ അക്കൗണ്ട് സൃഷ്ടിച്ചത്. ഈ അക്കൗണ്ട് വഴി യുവതിയുടെ സുഹൃത്തുക്കളിലേക്ക് അശ്ലീല ദൃശ്യങ്ങൾ അയയ്ക്കുകയും ചെയ്തു. നേരത്തെ വാങ്ങിയ ഫോട്ടോകൾ അടിസ്ഥാനമാക്കി ദുരുപയോഗം ചെയ്താണ് നഗ്നചിത്രങ്ങൾ തയ്യാറാക്കിയത്.

സംഭവം ശ്രദ്ധയിൽപ്പെട്ടത് യുവതിയുടെ സുഹൃത്തുക്കൾ ഈ സന്ദേശങ്ങൾ അറിയിച്ചതോടെയാണ്. തുടര്‍ന്ന് യുവതി പൊലീസില്‍ പരാതി നല്‍കി. പിന്നാലെ നടത്തിയ അന്വേഷണത്തില്‍ ഇത്തരം ദുരുപയോഗത്തിന് പിന്നില്‍ ജിബുനാണെന്ന് പൊലീസ് കണ്ടെത്തുകയായിരുന്നു.

പ്രതിയെ വടകര ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു. അറസ്റ്റ് ചെയ്ത സംഘത്തിൽ എഎസ്‌ഐ റിതേഷ്, സീനിയര്‍ സിവില്‍ പൊലീസ് ഓഫിസര്‍ ദില്‍ജിത്ത്, സിവില്‍ പൊലീസുകാരായ ശ്രീനേഷ്, ലിബീഷ്, അനൂപ് എന്നിവരും ഉണ്ടായിരുന്നു.

പൊലീസ് സൈബർ നിയമങ്ങൾ ചൂണ്ടിക്കാട്ടി കേസിൽ കർശനമായ നടപടികളാണ് സ്വീകരിച്ചിരിക്കുന്നത്. സമൂഹമാധ്യമങ്ങളിലെ നിയമ വിരുധ പ്രവർത്തനങ്ങൾക്കെതിരേ ശക്തമായ നടപടികളുണ്ടാകുമെന്ന് ഉദ്യോഗസ്ഥർ അറിയിച്ചു.ഈ രീതിയിലുള്ള ക്രൈം കേസുകളിൽ പലപ്പോഴും മുൻ പരിചയം ദുരുപയോഗിക്കപ്പെടുന്നുവെന്ന മുന്നറിയിപ്പും പൊലീസ് നൽകുന്നുണ്ട്.