തേഞ്ഞിപ്പലം: കാലിക്കറ്റ് സര്‍വകലാശാല ബിരുദ പ്രവേശനത്തിന് ഇതുവരെ പ്രവേശനം നേടിയതോ അല്ലാത്തതോ ആയ വിദ്യാര്‍ഥികള്‍ക്ക് ഓഗസ്റ്റ് ഒന്ന് മുതല്‍ 14 വരെ നേരത്തെ സമര്‍പ്പിച്ച വിശദാംശങ്ങളില്‍ പേര്, രജിസ്റ്റര്‍ നമ്പര്‍, മാര്‍ക്ക് ഒഴികെയുള്ള വിവരങ്ങള്‍ നോഡല്‍ സെന്ററുകള്‍ വഴി എഡിറ്റ് ചെയ്യാം. പ്രവേശനം നേടിയവര്‍ക്ക് വിശദാംശങ്ങള്‍ എഡിറ്റ് ചെയ്യുന്നതിന് പിന്നീട് അവസരം ഉണ്ടായിരിക്കുന്നതല്ല. ഇതുവരെ രജിസ്റ്റര്‍ ചെയ്യാത്ത എസ്.സി, എസ്.ടി വിദ്യാര്‍ഥികള്‍ക്ക് ഓഗസ്റ്റ് ഒന്ന്, രണ്ട് തിയതികളില്‍ ഓണ്‍ലൈനായി രജിസ്റ്റര്‍ ചെയ്യാം. എസ്.സി, എസ്.ടി, മുന്നോക്ക വിഭാഗത്തിലെ സാമ്പത്തികമായി പിന്നോക്കം നില്‍ക്കുന്നവര്‍ (ബി.പി.എല്‍) എന്നീ വിഭാഗങ്ങള്‍ക്കുള്ള ഒന്നും രണ്ടും സ്‌പെഷല്‍ അലോട്ട്‌മെന്റുകള്‍ യഥാക്രമം ഓഗസ്റ്റ് നാല്, 11 തിയതികളില്‍ നടക്കും.