മാഹിയില്‍ സൗജന്യ യൂനിഫോം വിതരണം ചെയ്തുമാഹി: മേഖലയിലെ സര്‍ക്കാര്‍ വിദ്യാലയങ്ങളില്‍ പ്രീപ്രൈമറി മുതല്‍ ഹയര്‍ സെക്കന്‍ഡറി ക്ലാസ് വരെയുളള വിദ്യാര്‍ഥികള്‍ക്ക് സൗജന്യ യൂനിഫോം വിതരണം ആരംഭിച്ചു. ഓരോ കുട്ടിക്കും രണ്ടു സെറ്റ് യൂനിഫോമിനൊപ്പം തുന്നല്‍ കൂലിയും നല്‍കുന്നുണ്ട്. അധ്യാപകരുടെയും രക്ഷിതാക്കളുടെയും സഹായത്തോടെയാണു വിദ്യാലയങ്ങളില്‍ വിദ്യാഭ്യാസ വകുപ്പു നിര്‍ദേശിച്ച അളവില്‍ തുണി മുറിച്ചു വിതരണം ചെയ്യന്നത്. മാഹിയിലെ ഏക ഗവ.ഫ്രഞ്ചു ഹൈസ്‌കൂളില്‍ വിദ്യാര്‍ഥികള്‍ക്കുളള യൂനിഫോം വിതരണം വിദ്യാഭ്യാസ വകുപ്പു മേലധ്യക്ഷന്‍ എസ്. സൂര്യനാരായണന്‍ ഉദ്ഘാടനം ചെയ്തു. ഒന്നാം ക്ലാസിലെ കുരുന്നുകള്‍ ആദ്യസെറ്റ് ഏറ്റുവാങ്ങി. പ്രധാനാധ്യാപകന്‍ എം. മുസ്തഫ അധ്യക്ഷനായി. വി. വിജയി, കെ.കമല സംസാരിച്ചു. പോള്‍ ഷിബു, സി.ഇ രസിത നേതൃത്വം നല്‍കി.