എടപ്പാള്‍: പരസ്പരം ആരോപണങ്ങളുന്നയിച്ച് ഒരേസമയം പ്രകടനവുമായി സി.പി.എം, ബി.ജെ.പി പ്രവര്‍ത്തകര്‍. ബി.ജെ.പിയുടെ അക്രമത്തില്‍ പ്രതിഷേധിച്ച് സി.പി.എമ്മും സി പി എമ്മിന്റെ അക്രമത്തില്‍ പ്രതിഷേധിച്ച് ബി.ജെ.പിയും എടപ്പാളില്‍ പ്രകടനം നടത്തി. ഇരുവരുടെയും പ്രകടനങ്ങള്‍ എടപ്പാളില്‍ കുറച്ച് സമയം സംഘര്‍ഷ സാധ്യത സൃഷ്ടിച്ചു.
എന്നാല്‍ പൊന്നാനി സി.ഐ സണ്ണി ചാക്കോ ചങ്ങരംകുളം എസ്.ഐ കെ.പി.മനീഷ് എന്നിവരുടെ നേതൃത്വത്തിലുള്ള പോലീസ് സംഘം സ്ഥലത്ത് ക്യാംപ് ചെയ്തിരുന്നു.സി.പി.എമ്മിന്റെ പ്രകടനത്തിന് സി.രാമകൃഷ്ണന്‍,സി.രാഘവന്‍,യു.പി. പുരുഷോത്തമന്‍,ഇ.എസ്.സുകുമാര,ഹമീദ് നടുവട്ടം,എം.എ.നവാബ്,കെ.പി.മോഹനന്‍,പി.വി.കൃഷ്ണന്‍,എം.മുസ്തഫ,അഡ്വ.പി.പി.മോഹന്‍ദാസ് നേതൃത്വം നല്‍കി.ബി.ജെ.പിയുടെ പ്രകടനത്തിന് വി.ടി.ജയപ്രകാശ്,പി.സി.നാരായണന്‍,കെ.വി.അശോകന്‍,രാജീവ്കല്ലംമുക്ക്,സുജീഷ് നേതൃത്വം നല്‍കി.