കൊടുങ്ങല്ലൂര്‍: തിരുവഞ്ചിക്കുളം മഹാദേവ ക്ഷേത്രത്തില്‍ നാളെ നടക്കുന്ന പ്രസിദ്ധമായ ചോതി മഹോത്സവത്തിന് ഇന്ന് വൈകുന്നേരത്തോടെ തുടക്കമാകും.സേലം, കോയമ്പത്തൂര്‍ തുടങ്ങിയ സ്ഥലങ്ങളില്‍ നിന്നും എത്തിച്ചേരുന്ന ചേരമാന്‍ പെരുമാളിന്റെയും സുന്ദരമൂര്‍ത്തി നായനാരുടെയും ഭക്തരാണ് തിരുവഞ്ചിക്കുളം മഹാദേവ ക്ഷേത്രത്തില്‍ നടക്കുന്ന ചോതിപൂജ നടത്തുന്നത്. ഞായറാഴ്ച വൈകീട്ട് കൊടുങ്ങല്ലൂര്‍ ശ്രീകുരുംബ ഭഗവതി ക്ഷേത്രത്തിലെ നടപ്പന്തലില്‍ പൂജകള്‍ ആരംഭിക്കും. തുടര്‍ന്ന് അര്‍ധരാത്രിയോടെ ഇവിടെ നിന്നും ചേരമാന്‍ പെരുമാളിന്റെയും സുന്ദരമൂര്‍ത്തി നായനാരുടെയും വിഗ്രഹങ്ങള്‍ അലങ്കരിച്ച് ഘോഷയാത്രയായി തിരുവഞ്ചിക്കുളം മഹാദേവ ക്ഷേത്രത്തില്‍ എത്തിക്കും. തുടര്‍ന്ന് ഇവിടെ പ്രത്യേക പൂജകളും മറ്റും നടത്തി നാളെ ഉച്ചയോടെ മഹോത്സവത്തിന് സമാപനമാകും.