പനമരം: ഇന്ത്യന്‍ റെഡ് ക്രോസ് സൊസൈറ്റി വയനാട് ജില്ലാ ബ്രാഞ്ചിന്റെ ആഭിമുഖ്യത്തില്‍ പനമരം ഗ്രാമ പഞ്ചായത്തിലെ എരനെല്ലൂര്‍ ആദിവാസി കോളനിയില്‍ റെഡ് ക്രോസ് ട്രൈബല്‍ വായനശാല പ്രവര്‍ത്തനമാരംഭിച്ചു. ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് ഊരുമൂപ്പന്‍ കുളിയന് ദിനപത്രം നല്‍കി ഉദ്ഘാടനം ചെയ്തു. റെഡ് ക്രോസ് ജില്ലാ ചെയര്‍മാന്‍ അഡ്വ.ജോര്‍ജ്ജ് വാത്തുപറമ്പില്‍ അധ്യക്ഷനായി. കണിയാമ്പറ്റ ഗ്രാമ പഞ്ചായത്തംഗം മേരി ഐ മനച്ചിറ, സംസ്ഥാന സമിതി അംഗം ഡോ. ഫാദര്‍ മത്തായി അതിരമ്പുഴയില്‍, ജില്ലാ സെക്രട്ടറി എം.പി ബാലകുമാര്‍, താലൂക്ക് ചെയര്‍മാന്‍ ദേവസ്യ, സുനില്‍ കുമാര്‍ ബത്തേരി, മനോജ് എരനെല്ലൂര്‍, അക്ബര്‍ അലി, കെ.കെ അബ്ദുല്ല സംബന്ധിച്ചു.