മാനന്തവാടി: ജോലിയുടെ ഭാഗമായി പൊലിസ് സ്റ്റേഷനില്‍ എത്തിയ സുല്‍ത്താന്‍ ബത്തേരിയിലെ മാധ്യമ പ്രവര്‍ത്തകനായ മധു നടേഷിനെ ആക്രമിച്ച സംഭവത്തില്‍ മാനന്തവാടി പ്രസ് ക്ലബ് യോഗം പ്രതിഷേധിച്ചു. ഒരു ജനപ്രതിനിധി നോക്കി നില്‍ക്കെ മര്‍ദനം ഏല്‍ക്കുന്നത് ഗൗരവമായി കാണണം. പ്രാദേശിക പത്രപ്രവര്‍ത്തകര്‍ക്ക് നിര്‍ഭയമായി ജോലി ചെയ്യാനുള്ള സാഹചര്യം ഉണ്ടാക്കണം. പ്രസിഡന്റ് അശോകന്‍ ഒഴക്കോടി അധ്യക്ഷനായി. ലത്തീഫ് പടയന്‍, ബിജു കിഴക്കേടം, കെ.എസ് സജയന്‍, എ ഷമീര്‍, സുരേഷ് തലപ്പുഴ, കെ.എം ഷിനോജ്, അബ്ദുല്ല പള്ളിയാല്‍, അരുണ്‍ വിന്‍സെന്റ്, റിനീഷ് ആര്യപ്പള്ളി, സത്താര്‍ ആലാന്‍ എന്നിവര്‍ സംസാരിച്ചു.