പയ്യന്നൂര്‍: ആര്‍.എസ്.എസ് രാമന്തളി മണ്ഡല്‍ കാര്യവാഹക് ചൂരക്കാട്ട് ബിജു വധക്കേസില്‍ രണ്ട് സി.പി.എം പ്രവര്‍ത്തകരെ കൂടി പയ്യന്നൂര്‍ സി.ഐ എം.പി ആസാദ് അറസ്റ്റ് ചെയ്തു.
രാമന്തളി കക്കംപാറയിലെ ആരമ്പന്‍ ബിജിലേഷ്(28), കൊയ്യോടന്‍ നൈജു(24) എന്നിവരാണ് അറസ്റ്റിലായത്. നൈജുവിനെ ഗൂഢാലോചന കേസിലാണ് അറസ്റ്റ് ചെയ്തിരിക്കുന്നത്. കൊലപാതകത്തിനു ശേഷം ഇരുവരും ഒളിവിലായിരുന്നു. മെയ് 12നായിരുന്നു കാറിലെത്തിയ സംഘം സുഹൃത്തിനോടൊപ്പം ബൈക്കില്‍ പോവുകയായിരുന്ന ബിജുവിനെ ആക്രമിച്ച് കൊലപ്പെടുത്തിയത്.