കണ്ണൂര്‍: പി.വി.കെ കടമ്പേരി ഓര്‍മയ്ക്കായി ഏര്‍പ്പെടുത്തിയ കടമ്പേരി പുരസ്‌കാരത്തിന് ചേതന്‍ ജെ. ലാല്‍ അര്‍ഹനായി. ഗപ്പി എന്ന മലയാള ചിത്രത്തിലെ അഭിനയത്തിനാണ് അവാര്‍ഡ്.
ഓഗസ്റ്റ് മൂന്നിന് പി.വി.കെ കടമ്പേരി അനുസ്മരണ സമ്മേളനത്തില്‍ 10,000 രൂപയും പ്രശസ്തി പത്രവു അടങ്ങുന്ന പുരസ്‌കാരം വിതരണം ചെയ്യും. ബാലസംഘം സംസ്ഥാന കമ്മിറ്റിയുടെയും പി.വി.കെ ഫൗണ്ടേഷന്റെയും സി.ആര്‍.സി കടമ്പേരിയുടെയും ആഭിമുഖ്യത്തിലാണ് പരിപാടി. അനുസ്മരണ സമ്മേളനം കഥാകൃത്ത് ടി. പത്മനാഭന്‍ ഉദ്ഘാടനം ചെയ്യും. സന്തോഷ് കീഴാറ്റൂര്‍, അഡ്വ. പി. അപ്പുക്കുട്ടന്‍ പങ്കെടുക്കും.
വാര്‍ത്താസമ്മേളനത്തില്‍ ബാലസംഘം സംസ്ഥാന പ്രസിഡന്റ് ദിഷ്ണ പ്രസാദ്, എം. പ്രകാശന്‍, പി.വി ശിവശങ്കരന്‍, അഴീക്കോടന്‍ ചന്ദ്രന്‍ സംബന്ധിച്ചു.