നിലമ്പൂര്‍: ഫയര്‍ ആന്‍ഡ് റെസ്‌ക്യൂ സ്റ്റേഷന്റെ ആഭിമുഖ്യത്തില്‍ ചാലിയാര്‍ പഞ്ചായത്ത് കമ്മ്യൂനിറ്റി റെസ്‌ക്യൂ വളണ്ടിയര്‍ സ്‌കീം ഉദ്ഘാടനം പഞ്ചായത്ത് പ്രസിഡന്റ് പി.ടി ഉസ്മാന്‍ നിര്‍വഹിച്ചു. സ്ഥിരസമിതി ചെയര്‍മാന്‍ തോണിക്കടവന്‍ ഷൗക്കത്ത് അധ്യക്ഷനായി. ഫയര്‍ സ്റ്റേഷന്‍ ഓഫിസര്‍ എം. അബ്ദുല്‍ ഗഫൂര്‍ പദ്ധതി വിശദീകരിച്ചു. പഞ്ചായത്ത് അംഗങ്ങളായ നൗഷാദ് പൂക്കോടന്‍, അച്ചാമ്മ ജോസഫ്, പി. പ്രമീള, പത്മജ പ്രകാശ്, ലീഡിങ് ഫയര്‍മാന്‍ കെ.യൂസഫലി സംസാരിച്ചു.