മലപ്പുറം: എസ്.കെ.എസ്.ബി.വി ഈസ്റ്റ് ജില്ലാ കമ്മിറ്റി 'നന്മക്കായി ഒരുമിക്കാം' എന്ന പ്രമേയത്തില്‍ സംഘടിപ്പിക്കുന്ന തഹ്ദീസ് സംഘടനാ ശാക്തീകരണ കാംപയിന്റെ ഭാഗമായുള്ള 'ലീഡ് കോണ്‍ 17' ഇന്ന് മൂന്നിന് മലപ്പുറം സുന്നി മഹലില്‍ നടക്കും. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി ഉദ്ഘാടനം ചെയ്യും. 

പി.കെ അലവിക്കുട്ടി ഫൈസി പുല്ലാര അധ്യക്ഷനാകും. എസ്.കെ.ജെ.എം.സി.സി സെക്രട്ടറി കെ.ടി ഹുസൈന്‍കുട്ടി മുസ്്‌ലിയാര്‍ പ്രമേയ പ്രഭാഷണം നടത്തും.
മുസ്തഫ അന്‍വരി വേങ്ങൂര്‍, സയ്യിദ് സ്വദഖത്തുള്ള തങ്ങള്‍ അരിമ്പ്ര, മുഹമ്മദ് അസ്‌ലഹ് മുതുവല്ലൂര്‍, കെ.പി സഫറുദ്ദീന്‍, വി.എം ജുനൈദ് മേലാറ്റൂര്‍, പി.എന്‍ അഹമ്മദ്, മുബാറക് കൊട്ടപ്പുറം, അംജിദ് തിരൂര്‍ക്കാട് തുടങ്ങിയവര്‍ സംബന്ധിക്കും. റെയ്ഞ്ച് കൗണ്‍സില്‍, റെയ്ഞ്ച് കിറ്റ് വിതരണം, ഉപദേശക സംഗമം, ജില്ലാ എക്‌സിക്യൂട്ടീവ് പ്രഖ്യാപനം, യു-മെപ്, മേഖലാ കൗണ്‍സില്‍ മീറ്റ്, യൂനിറ്റ് മോണിറ്ററിങ്, വാര്‍ഷിക കൗണ്‍സില്‍ എന്നിവ നടക്കും.