കായംകുളം : മകനെ കഞ്ചാവ് കേസില്‍ പിടികൂടിയ സംഭവത്തില്‍ യു.പ്രതിഭ എം.എല്‍.എയ്ക്ക് പിന്തുണയുമായി സി.പി.എം വിട്ട ബി.ജെ.പി നേതാവ് ബിപിന്‍.സി ബാബു. പ്രതിഭയെ ബി.ജെ.പിയിലേക്ക് സ്വാഗതം ചെയ്തുകൊണ്ടാണ് ബിപിന്റെ ഫേസ്ബുക്ക് പോസ്റ്റ്. വിശ്വസിക്കുന്ന പ്രസ്ഥാനം എം.എല്‍.എ.യ്ക്ക് പിന്തുണ നല്‍കിയില്ല. അവരെ വളഞ്ഞിട്ട് ആക്രമിക്കുന്ന രീതി അപലപനീയമാണ്. അമ്മ എന്ന നിലയില്‍ അവരുടെ വികാരത്തെ മാനിക്കണമെന്നും ബിപിന്‍ പോസ്റ്റില്‍ പറയുന്നു. 

ഫേസ്ബുക്ക് കുറിപ്പിന്റെ പൂര്‍ണരൂപം:

പ്രിയമുള്ളവരേ  രണ്ട് ദിവസം ആയി ദൃശ്യ മാധ്യമങ്ങളില്‍ കൂടെ ഒരു അമ്മയേയും മകനേയും തേജോവധം ചെയ്ത് കൊണ്ട് ഇരിക്കുകയാണ്. ഒന്‍പത് കുട്ടികളുടെ ഭാവി ആണ് ഇതില്‍ കൂടെ നിങ്ങള് ഇല്ലാതാക്കാന്‍ ശ്രമിക്കുന്നത്. ആ കുഞ്ഞുങ്ങളുടെ അവരുടെ കുടുംബാംഗങ്ങളുടെയും മാനസിക അവസ്ഥ എന്തെന്ന് ചിന്തിച്ചിട്ടുണ്ടോ ?  കുഞ്ഞുങ്ങളുടെ കയ്യില്‍ നിന്ന് തെറ്റുകള്‍ സംഭവിചിട്ടുണ്ടേല്‍ തന്നെ ഒരു അമ്മ എന്ന നിലയില്‍ അവരുടെ വികാരത്തെ മാനിക്കണം ആയിരുന്നു. അവര്‍ വിശ്വസിക്കുന്ന പ്രസ്ഥാനവും  യാതൊരു രീതിയിലും അവര്‍ക്ക് പിന്തുണ നല്‍കിയില്ല. അവരെ വളഞ്ഞിട്ട് ആക്രമിച്ച രീതി തികച്ചും അപലപനീയം ആണ് . എന്തെങ്കിലും സാഹചര്യത്തില്‍ അവരില്‍ തെറ്റുകള്‍ ഉണ്ടായിട്ടുണ്ടെങ്കില്‍ അത് തിരുത്തി അവരെ നല്ലതിലേക്ക് നയിക്കുകയാണ് നമ്മള്‍ ചെയ്യേണ്ടത്.നാളെയുടെ വാഗ്ദാനങ്ങള്‍  ആണ് അവര്‍. ഇങ്ങനെ ഒരു സാഹചര്യത്തില്‍ കൂടെ നില്‍ക്കേണ്ടവര്‍ പോലും കൂടെ നിന്നില്ല. 
നാളെ കുറിച്ച് ചിന്തിക്കുന്ന ദേശിയതയിലേക്ക് ഞാന്‍ പ്രിയപ്പെട്ട mla യേ സ്വാഗതം ചെയ്യുന്നു.??