പ്രിട്ടോറിയ: ത്രിരാഷ്ട്ര പരമ്പരയില്‍ ഇന്ത്യ എ ടീമിന് വിജയം. ഏഴ് വിക്കറ്റിന് ഇന്ത്യ അഫ്ഗാനിസ്ഥാന്‍ എ ടീമിനെ പരാജയപ്പെടുത്തി. ആദ്യം ബാറ്റ് ചെയ്ത അഫ്ഗാനിസ്ഥാനെ 40.5 ഓവറില്‍ ഇന്ത്യ 149 റണ്‍സില്‍ ഒതുക്കി. ജയം തേടിയിറങ്ങിയ ഇന്ത്യ 30.4 ഓവറില്‍ മൂന്ന് വിക്കറ്റ് നഷ്ടത്തില്‍ 150 റണ്‍സെടുത്ത് വിജയിച്ചു. വിജയ് ശങ്കര്‍, അക്‌സര്‍ പട്ടേല്‍ എന്നിവര്‍ മൂന്ന് വീതം വിക്കറ്റുകള്‍ വീഴ്ത്തി ബൗളിങിലും 57 റണ്‍സെടുത്ത് കരുണ്‍ നായര്‍ ബാറ്റിങിലും ഇന്ത്യക്കായി തിളങ്ങി.