ബര്‍ലിന്‍: ജര്‍മനിയിലെ നിശാക്ലബ്ബിലുണ്ടായ വെടിവയ്പ്പില്‍ രണ്ടു പേര്‍ കൊല്ലപ്പെട്ടു. മൂന്നുപേര്‍ക്ക് പരുക്കേറ്റിട്ടുണ്ട്. തെക്കന്‍ ജര്‍മനിയിലെ കോണ്‍സ്റ്റാന്‍സിലിലെ ഗ്രെ നിശാക്ലബ്ബിലാണ് അതിക്രമിച്ച കയറിയയാള്‍ നിറയൊഴിച്ചത്.

സംഭവസമയം ക്ലബ്ബില്‍ നൂറോളം പേരുണ്ടായിരുന്നു. പൊലിസുമായുണ്ടായ ഏറ്റുമുട്ടലില്‍ ഇറാഖി പൗരനായ ആക്രമിയും ആക്രമിയുടെ വെടിവയ്പ്പില്‍ പൊലിസുകാരനുമാണ് കൊല്ലപ്പെട്ടത്. ആക്രമണത്തിന്റെ കാരണം വ്യക്തമല്ല. ആക്രമണത്തിന് പിന്നില്‍ തീവ്രവാദബന്ധമില്ലെന്ന് പൊലിസ് അറിയിച്ചു.