കയ്പമംഗലം: കയ്പമംഗലം പുത്തന്‍പള്ളി ദാറുല്‍ ഉലൂം മദ്‌റസയിലാണ് ഡിഗ്രി ക്ലാസിന് തുടക്കം കുറിച്ചു. മദ്‌റസാ ചരിത്രത്തിലെ തന്നെ പ്രഥമ സംരഭമാണിത്. നിലവില്‍ മദ്‌റസകള്‍ പ്ലസ്ടുവോടെ അവസാനിക്കുകയും വിഷയങ്ങളെ ഗൗരവത്തോടെ മനസിലാക്കാന്‍ പ്രാപ്തമാകുന്ന പ്രായത്തില്‍ അവസരമില്ലാതിരിക്കുകയും കൗമാരം അധാര്‍മികതക്ക് അടിമപ്പെടുകകയും ചെയ്യുന്നത് മനസിലാക്കിയാണ് സിലബസ് തയ്യാറാക്കി പുത്തന്‍പള്ളി ദാറുല്‍ ഉലൂം മദ്‌റസ പുതിയ കാല്‍വെപ്പ് നടത്തുന്നത്. 

പുതുതായി ആരംഭിക്കുന്ന മദ്‌റസാ ഡിഗ്രി ക്ലാസിന്റെ ഉദ്ഘാടനം മഹല്ല് ഖത്വീബ് അബ്ദുന്നാസര്‍ ഫൈസി നിര്‍വഹിച്ചു.
പ്രധാനധ്യാപകന്‍ സി.എച്ച്.എം. ഫൈസല്‍ ബദരി അധ്യക്ഷനായി. അബ്ദുല്‍ ഹകീം മൗലവി, അസീസ് മൗലി ബഷീര്‍ പുന്നിലത്ത്, യു.കെ യൂസുഫ് സംസാരിച്ചു.