പെരിന്തല്‍മണ്ണ: കമ്മ്യൂണിസ്റ്റ് ആചാര്യന്‍ ഇ.എം.എസിന്റെ ഓര്‍മക്കായി സ്ഥാപിക്കുന്ന ഇ.എം.എസ് വിദ്യാഭ്യാസ കോംപ്ലക്‌സിന്റെ മികവ് വര്‍ധിപ്പിച്ച് ആധുനികവത്കരിച്ച്  അന്താരാഷ്ട്ര നിലവാരം ഉറപ്പാക്കുന്നതിനുള്ള വിശദമായ പദ്ധതി  തയാറായി. മൂവായിരത്തില്‍ പരം വിദ്യാര്‍ഥികളുടെ പഠന കേന്ദ്രമായി വളര്‍ന്നുവന്ന സ്‌കൂളിന്റെ പശ്ചാത്തല സൗകര്യവും അക്കാദമിക നിലവാരവും അന്താരാഷ്ട്ര നിലവാരത്തിലേക്ക് ഉയര്‍ത്താനാണ് പദ്ധതി ലക്ഷ്യമിടുന്നത്.
ഇ.എം.എസിന്റെ 150 ാം ജന്മവാര്‍ഷികം ആഘോഷിക്കുന്ന അവസരത്തില്‍ സ്‌കൂള്‍ സമുച്ചയം കേരളത്തിന് മാതൃകയാക്കുന്ന തരത്തില്‍ മാറ്റിയെടുക്കാനാണ് പദ്ധതി.   പെരിന്തല്‍മണ്ണയില്‍ നടന്ന വികസന സെമിനാര്‍ ഇ.എം.എസിന്റെ മകള്‍ ഇ.എം രാധ ഉദ്ഘാടനം ചെയ്തു.
നഗരസഭാ ചെയര്‍മാന്‍ എം.മുഹമ്മദ് സലീം അധ്യക്ഷനായി. എ.ശിവരാമന്‍, വി.ശശികുമാര്‍, നിഷി അനില്‍രാജ്, കിഴിശ്ശേരി മുസ്തഫ, തെക്കത്ത് ഉസ്മാന്‍, കെ.ആര്‍ രവി, പി.അനില്‍, ഡോ.ചന്ദ്രിക, ലിസി ജോസഫ്, ജോര്‍ജ് കുട്ടി, കെ.പി ഫൗസിയ, വി.പി ജയരാജന്‍ സംസാരിച്ചു.