പയ്യോളി: പാണക്കാട് സയ്യിദ് മുനവ്വറലി ശിഹാബ് തങ്ങള്‍ നയിക്കുന്ന യുവജന യാത്രയിലെ ശ്രദ്ധാ കേന്ദ്രമാകുകയാണ് അറുപത്തിരണ്ടുകാരനായ തിരൂരങ്ങാടി പാലത്തിങ്ങല്‍ സ്വദേശി കുഞ്ഞമ്മദ് കോയ. മഞ്ചേശ്വരം മുതല്‍ തിരുവനന്തപുരം വരെയുള്ള യാത്രയിലുടനീളം മുച്ചക്ര വാഹനത്തില്‍ അകമ്പടി സേവിക്കാനാണ് കുഞ്ഞമ്മദ് കോയയുടെ തീരുമാനം.
യുവജന യാത്രയിലെ വാഹന വ്യൂഹത്തിന്റെ മുന്നിലാണ് അലങ്കരിച്ച വാഹനത്തില്‍ ലീഗിന്റെ പതാകയുമായി ഇദ്ദേഹത്തിന്റെ യാത്ര. മുസ്‌ലിം ലീഗിന്റെ മിക്ക ജാഥാ പരിപാടികളിലും കുഞ്ഞമ്മദ് കോയയുടെ സാന്നിധ്യം ഉണ്ടാവാറുണ്ട്. എം.കെ മുനീര്‍ നടത്തിയ യുവജന യാത്രയിലും പങ്കാളിയായിരുന്നു. അസുഖം ബാധിച്ചതിനെ തുടര്‍ന്ന് 20 വര്‍ഷം മുന്‍പാണ് ഇദ്ദേഹത്തിന്റെ വലതുകാല്‍ മുറിച്ചുമാറ്റിയത്. പി.കെ കുഞ്ഞാലിക്കുട്ടി സാഹിബാണ് മുച്ചക്ര വാഹനം നല്‍കിയത്.