കോഴിക്കോട്: കോസ്‌മോ പൊളിറ്റന്‍ ക്ലബ്ബില്‍ നടന്ന മൂന്നാമത് കേരള സംസ്ഥാന സബ് ജൂനിയര്‍ സോഫ്റ്റ് ടെന്നിസ് ചാംപ്യന്‍ഷിപ്പില്‍ ആണ്‍കുട്ടികളുടെ വിഭാഗത്തില്‍ കോഴിക്കോടും പെണ്‍കുട്ടികളുടെ വിഭാഗത്തില്‍ തൃശൂരും ജേതാക്കളായി.
ആണ്‍ കുട്ടികളുടെ വിഭാഗത്തില്‍ മലപ്പുറവും പെണ്‍കുട്ടികളുടെ വിഭാഗത്തില്‍ ആലപ്പുഴയും രണ്ടാം സ്ഥാനം നേടി. കണ്ണൂരിനും പാലക്കാടിനുമാണ് ഇരു വിഭാഗങ്ങളിലും മൂന്നാം സ്ഥാനം.
ഇന്ത്യന്‍ ഒളിംപിക് അസോസിയേഷന്‍ മുന്‍ ജോയിന്റ് സെക്രട്ടറി പി.എ ഹംസ ജേതാക്കള്‍ക്ക് ട്രോഫി സമ്മാനിച്ചു. ഓര്‍ഗനൈസിങ് കമ്മിറ്റി പ്രസിഡന്റ് എ.കെ മുഹമ്മദ് അഷ്‌റഫ് അധ്യക്ഷനായി.