മണ്ണഞ്ചേരി: സ്‌കൂള്‍ പരിസരത്ത് കഞ്ചാവ് വില്‍പ്പനക്കെത്തിയ യുവാവിനെ മണ്ണഞ്ചേരി പൊലിസ് പിടികൂടി.പട്ടണക്കാട് 15ാം വാര്‍ഡ് കുന്നുകുഴി ലക്ഷംവീട്ടില്‍ ഷാരോണ്‍ (24) ആണ് പിടിയിലായത്.ഇയാളില്‍ നിന്നും 15 പാക്കറ്റുകളിലാക്കിയ 150ഗ്രാം കഞ്ചാവ് പൊലിസ് കണ്ടെടുത്തു. തിങ്കളാഴ്ച്ച വൈകുന്നേരം നാലരയോടെ മണ്ണഞ്ചേരി ഗവ. സ്‌കൂള്‍ പരിസരത്ത് നിന്നും നാട്ടകാര്‍ പ്രതിയെ പിടികൂടി പൊലിസില്‍ ഏല്‍പ്പിക്കുകയായിരുന്നു.സ്‌കൂള്‍ കുട്ടികളെ കേന്ദ്രീകരിച്ച് വില്‍പന നടത്താനാണ് ഇയാള്‍ എത്തിയതെന്ന് പൊലിസ് പറഞ്ഞു. ഇന്ന് കോടതിയില്‍ ഹാജരാക്കും എസ്.ഐ ഷൈജു ഇബ്രാഹിമിന്റെ നേതൃത്വത്തില്‍ എ.എസ്. ഐ റോഷിന്‍, സിവില്‍ പൊലിസ് ഓഫിസര്‍മാരായ ഉല്ലാസ്,സുരേഷ് കുമാര്‍,റ്റി.എച്ച്.അബ്ദുല്‍ സത്താര്‍, പ്രമോദ് എന്നിവരാണ് പ്രതിയെ പിടികൂടിയത്.