ചേര്‍ത്തല: നിര്‍മാണം പൂര്‍ത്തിയായ പട്ടണക്കാട്-ഇല്ലിക്കല്‍-കുറുപ്പ്പറമ്പ് റോഡ് ഗതാഗതത്തിനായി തുറന്നുകൊടുത്തു. പട്ടണക്കാട് പഞ്ചായത്ത് 16 ാം വാര്‍ഡിലെ ഇല്ലിക്കല്‍ കുറുപ്പുപറമ്പ് ക്ഷേത്രം റോഡാണ് ടാറിങ്ങ് നടത്തി ഗതാഗത യോഗ്യമാക്കി തുറന്നുകൊടുത്തത്. ബ്ലോക്ക് പഞ്ചായത്ത് മെമ്പര്‍ അഡ്വ. ടി.എച്ച് സലാം ഉദ്ഘാടനം നിര്‍വഹിച്ചു. വാര്‍ഡ് മെമ്പര്‍ ടി.എ ബേബിച്ചന്‍ അധ്യക്ഷനായി. മേരി, ജോസഫ്, സാബു സംസാരിച്ചു.
പട്ടണക്കാട് ബ്ലോക്ക് പഞ്ചായത്തില്‍ നിന്നും കഴിഞ്ഞ സാമ്പത്തിക വര്‍ഷത്തില്‍ അനുവദിച്ച അഞ്ചു ലക്ഷം രൂപ വിനിയോഗിച്ചാണ് പദ്ധതി നടപ്പിലാക്കിയത്.