കൊച്ചി: കൗമാരക്കാരായ ഫുട്‌ബോള്‍ പ്രതിഭകളെ കണ്ടെത്തി പരീശീലനം നല്‍കുന്നതിനായി ഐലീഗ് ഫുട്‌ബോള്‍ ചാംപ്യന്മാരായ  ബാംഗ്ലൂര്‍ ഫുട്‌ബോള്‍ ക്ലബ്ബിന്റെ നേതൃത്വത്തില്‍ സെലക്ഷന്‍ ട്രയല്‍സ് നടത്തുന്നു. കേരള ഫുട്‌ബോള്‍ അസോസിയേഷന്റെ സഹകരണത്തോട കൊച്ചി, കോഴിക്കോട് എന്നിവിടങ്ങളിലാണ് സെലക്ഷന്‍ ട്രയല്‍സ് നടത്തുന്നതെന്ന് ബാംഗ്ലൂര്‍ ഫുട്‌ബോള്‍ ക്ലബ്  ചീഫ് ടെക്‌നിക്കല്‍ ഓഫിസര്‍ മാന്‍ഡര്‍ തമാനെ,യൂത്ത് ഡെവലപ്‌മെന്റ് അക്കാദമി ഹെഡ് ജോണ്‍ കില എന്നിവര്‍ വാര്‍ത്താ സമ്മേളനത്തില്‍ പറഞ്ഞു.  

18 വയസിനും 16 വയസിനും താഴെയുള്ളവര്‍ക്കായിട്ടാണ് സെലക്ഷന്‍ ട്രയല്‍സ് നടത്തുന്നത്. നാളെ മുതല്‍ 14 വരെ കോഴിക്കോട് കോര്‍പറേഷന്‍ സ്റ്റേഡിയത്തിലും  16 മുതല്‍  19 വരെ കൊച്ചി അംബേദ്കര്‍ സ്‌റ്റേഡിയത്തിലുമാണ് ട്രയല്‍സ് നടത്തുന്നത്. സെലക്ഷന്‍ ട്രയല്‍സില്‍ പങ്കെടുക്കാന്‍ താല്‍പര്യമുള്ളവര്‍ www.b-en-g-a-luru-f-c.com  എന്ന വെബ്‌സൈറ്റില്‍ പേര് രജിസ്റ്റര്‍ ചെയ്യണം.