ബഹ്റൈനിലെ പ്രവാസി കള്‍ക്കിടയില്‍ സലാം നടത്തിവരുന്ന വിവിധ സേവന പ്രവര്‍ത്തനങ്ങള്‍ പരിഗണിച്ചാണ് പുരസ്കാരം.

പ്രവാസജീവിതത്തിനിടയിൽ സമൂഹ നന്മക്കായി പ്രയത്നിച്ചവർക്കാണ് വര്‍ഷം തോറും ഈ പുരസ്കാരം നൽ‍കി വരുന്നതെന്ന് ഫോറം ഭാരവാഹികള്‍ അറിയിച്ചു. ഇതോടൊപ്പം സംഘടനയുടെ അംഗങ്ങൾക്കായി നൽകിവരാറുള്ള വിവിധ പുരസ്കാരങ്ങളും പ്രഖ്യാപിച്ചിട്ടുണ്ട്.

ബഹ്റൈന്‍ കെ.എം.സി.സി മലപ്പുറം ജില്ലാ കമ്മറ്റി മുന്‍ പ്രസിഡന്‍റ് കൂടിയായ സലാം ബഹ്റൈനില്‍ സാമൂഹിക-രാഷ്ട്രീയ രംഗങ്ങളിലെല്ലാം സജീവമാണ്. പരേതരായ പുത്തന്‍പള്ളി മൂസയുടെയും ആമിനയുടെയും മകനായ സലാം വണ്ടൂര്‍ മണ്ഡലത്തിലെ ചോക്കാട് പഞ്ചായത്തിലുള്ള  മമ്പാട്ടുമൂല സ്വദേശിയാണ്. സബ് നയാണ് ഭാര്യ. ഫാസില്‍ മൂസ, ഹാഫിസ് ഫാരിസ് റഹ് മാന്‍, ഫര്‍ഹ, ഫത്വീം എന്നിവര്‍ മക്കളാണ്.

2020 ജനുവരി 17ന് ബഹ്റൈനില്‍ നടക്കുന്ന പ്രവാസി ഗൈഡൻ‍സ് ഫോറത്തിെൻറ വാർ‍ഷിക പൊതു പരിപാടിയില്‍ വെച്ച് സലാമിന് പുരസ്കാരം സമ്മാനിക്കുമെന്ന് പ്രവാസി ഗൈഡൻസ് ഫോറം ഭാരവാഹികൾ‍ അറിയിച്ചു.
ഡോ. ബാബു രാമചന്ദ്രൻ‍, ചന്ദ്രൻ‍ തിക്കോടി, എസ്.വി. ജലീൽ, ഫ്രാൻസിസ് കൈതാരത്ത് എന്നിവർ‍ക്കാണ് മുൻ വർഷങ്ങളിൽ ഈ പുരസ്കാരം സമ്മാനിച്ചത്.  
ചടങ്ങില്‍ വെച്ച് അഡ്വ. ലേഖ കക്കാട്, ഷിബു കോശി, നാരായണൻ കുട്ടി, അമൃതാ രവി, റോയ് തോമസ്, മിനി റോയ് തോമസ് എന്നിവരെയും സംഘടന ആദരിക്കും.