ഫറോക്ക് :നാടിന്റെ കൂട്ടായ്മയില്‍ നിര്‍ധന കുടുംബത്തിന് ഭവനനിര്‍മാണമാരംഭിച്ചു.
അകാലത്തില്‍ ചരമമടഞ്ഞ രാമനാട്ടുകര കളത്തിങ്ങല്‍ ഉമര്‍ ഫാറൂഖിന്റെ കുടുംബത്തിന് പ്രദേശവാസികള്‍ രൂപീകരിച്ച കുടുംബ സഹായ സമിതിയാണ് സ്‌നേഹഭവന നിര്‍മാണത്തിന് തുടക്കം കുറിച്ചത്.
നിര്‍മ്മിച്ച് നല്‍കുന്ന ഭവനത്തിന്റെ കുറ്റിയടിക്കല്‍ കര്‍മ്മം പി.കെ തുറാബ് തങ്ങള്‍ നിര്‍വ്വഹിച്ചു.പുളിന്‍ചോട് പ്രൈമറി ഹെല്‍ത്ത് സെന്ററിന് സമീപം മങ്കുഴിപ്പൊറ്റയില്‍ നടക്കുന്ന ഭവനനിര്‍മാണ ചടങ്ങില്‍ കളത്തിങ്ങല്‍ ഉമര്‍ ഫാറൂഖ് കുടുംബ സഹായ സമിതി ചെയര്‍മാന്‍ കോട്ട സൈതലവി മാസ്റ്റര്‍ അധ്യക്ഷനായി.
പറമ്പന്‍ സൈതലവി സ്വാഗതം പറഞ്ഞു.മുസ്തഫ മാഹിരി വലിയ പറമ്പ് ഉല്‍ബോധനം നടത്തി. മഞ്ഞറോഡന്‍ അബ്ദുല്‍ റഷീദ്, പുത്തലത്ത് നാസര്‍ ബാപ്പു, അഷ്‌റഫ് കോങ്ങയില്‍, അഷ്‌റഫ് എന്‍ജിനിയര്‍ സംബന്ധിച്ചു.