കൊല്ലം: എസ്.എഫ്.ഐയുടെ ഏക പാര്‍ട്ടി കാംപസ് കൊല്ലത്ത് അനുവദിക്കില്ലെന്ന് കെ.എസ്.യു ജില്ലാ പ്രസിഡന്റ് വിഷ്ണു വിജയന്‍ പറഞ്ഞു. 

സ്വാതന്ത്ര്യം, സമത്വം, സോഷ്യലിസവും എസ്.എഫ്.ഐ ക്കാര്‍ പഠിച്ച കാലം മറന്നുവെന്നും കെ.എസ്.യു ജില്ലാ പ്രസിഡന്റ് കുറ്റപ്പെടുത്തി.
കൊല്ലം ശ്രീനാരായണ കോളേജില്‍ എസ്.എഫ്.ഐയുടെ എതിര്‍പ്പ് മറികടന്ന് കെ.എസ്.യു നടത്തിയ യൂനിറ്റ് രൂപീകരണം ഉദ്ഘാടനം ചെയ്യുകയായിരുന്നു വിഷ്ണു വിജയന്‍. ശ്രീനാരായണ കോളജില്‍ എല്ലാ വിദ്യാര്‍ത്ഥി സംഘടനകള്‍ക്കും പ്രവര്‍ത്തിക്കാനുളള സ്വാതന്ത്ര്യം വേണമെന്നും എസ്.എഫ്.ഐ അത് അനുവദിക്കാത്ത പക്ഷം ആ സ്വാതന്ത്ര്യം പിടിച്ചെടുക്കുവാന്‍ കെ.എസ്.യു തയ്യാറാകേണ്ടിവരുമെന്നും അദ്ദേഹം പറഞ്ഞു.
കെ.എസ്.യു ജില്ലാ വൈസ് പ്രസിഡന്റ് ശരത് മോഹന്‍ അധ്യക്ഷനായി.
സംസ്ഥാന സെക്രട്ടറി ആദര്‍ശ് ഭാര്‍ഗ്ഗവന്‍ മെമ്പര്‍ഷിപ്പ് വിതരണം ഉദ്ഘാടനം ചെയ്തു. കൗശിഖ് എം. ദാസ്, തൃദീപ് കുമാര്‍, പ്രതീഷ് കുമാര്‍, വിപിന്‍രാജ്, ബിനോയ് ഷാനൂര്‍, ഷാന്‍ വടക്കേവിള, അതുല്‍.എസ്.പി, വിഷ്ണു പ്രിയ, സിയാദ് ഭരണിക്കാവ്, ഷെമീര്‍, രാഹുല്‍. ആര്‍.എസ്. തൗഫീഖ്, അസ്ലം, ആഷിഖ് ബൈജു സംസാരിച്ചു.
കെ.എസ്.യു എസ്.എന്‍ കോളേജ് ഭാരവാഹികളായി അഖില്‍ദേവ് (പ്രസിഡന്റ്), ഇന്ദ്രജിത്ത് (ജനറല്‍ സെക്രട്ടറി), ബിച്ചു (വൈസ് പ്രസിഡന്റ്), വിഷ്ണു (ജെ. സെക്രട്ടറി) എന്നിവരെ തെരഞ്ഞെടുത്തു.