പെരിന്തല്‍മണ്ണ: താഴെക്കോട് പഞ്ചായത്തില്‍ മത്സ്യക്കുഞ്ഞുങ്ങളെ വിതരണം ചെയ്തു. കേരള ഫിഷറീസ് വകുപ്പ് ഗ്രാമപഞ്ചായത്ത് മുഖേന നടപ്പിലാക്കുന്ന മത്സ്യസമൃതി-2016 പദ്ധതി പ്രകാരം 65 കുടുംബങ്ങള്‍ക്കാണ് മത്സ്യക്കുഞ്ഞുങ്ങളെ നല്‍കിയത്. ഗ്രാമപഞ്ചായത്ത് പ്രസിഡന്റ് എ.കെ നാസര്‍ ഉദ്ഘാടനം ചെയ്തു. വൈസ് പ്രസിഡന്റ് മറിയകുട്ടി തെക്കേകര അധ്യക്ഷനായി. സ്റ്റാന്റിങ് കമ്മിറ്റി ചെയര്‍മാന്‍മാരായ ഹൈദ്രസ് ഹാജി, മെമ്പര്‍മാരായ പുത്തൂര്‍ സീനത്ത്, മൊയ്തുപ്പു, സി.ഹംസ എന്നിവര്‍ പ്രസംഗിച്ചു.