മുക്കം: പുഴ സംരക്ഷണ പദ്ധതിയുടെ ഭാഗമായി ചേന്ദമംഗല്ലൂര്‍ ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് വിദ്യാര്‍ഥികളുടെ നേതൃത്വത്തില്‍ ഇരുവഴിഞ്ഞിപ്പുഴയിലെ തെയ്യത്തുംകടവില്‍ പുഴമഞ്ഞിയുടെ തൈകള്‍ നട്ടു പിടിപ്പിക്കുന്ന പദ്ധതിക്ക് ഇന്ന് തുടക്കം കുറിക്കുമെന്ന് വിദ്യാര്‍ഥികള്‍ വാര്‍ത്താ സമ്മേളനത്തില്‍ അറിയിച്ചു. പതിവെക്കലിലൂടെ തയാറാക്കിയ 50 പുഴമഞ്ഞി ചെടികളുടെ തൈകള്‍ ഇന്ന് വച്ചുപിടിപ്പിക്കും. ശേഷം ഘട്ടംഘട്ടമായി കൂടുതല്‍ സ്ഥലങ്ങളിലേക്ക് പദ്ധതി വ്യാപിപ്പിക്കാനാണ് ലക്ഷ്യമിടുന്നന്നെും വിദ്യാര്‍ഥികള്‍ പറഞ്ഞു.
വൈകീട്ട് നാലിന് നഗരസഭ ചെയര്‍മാന്‍ വി. കുഞ്ഞന്‍ പദ്ധതി ഉദ്ഘാടനം ചെയ്യും. പ്രിന്‍സിപ്പല്‍ ഒ. ഷരീഫുദ്ദിന്‍ അധ്യക്ഷനാവും. സി.ഡബ്ല്യു.ആര്‍.ഡി.എമ്മിലെ ശാസ്ത്രജ്ഞന്‍ ഡോ. മാധവന്‍ കോമത്ത് മുഖ്യാതിഥിയാവും. എന്‍.എസ്.എസ് പ്രോഗ്രാം കണ്‍വീനര്‍ എസ്. കമറുദ്ദീന്‍ പദ്ധതി വിശദീകരിക്കും.
വാര്‍ത്താ സമ്മേളനത്തില്‍ ഷെബിന്‍ മുഹമ്മദ്, സി.ടി അദ്‌നാന്‍, മുഷ് രിഫ, ഒ.വി അനന്തു, നബ് ഹാന്‍ അബ്ദുലത്തീഫ്, ആയിഷ തമന്ന, എസ്. കമറുദ്ദീന്‍ പങ്കെടുത്തു.