കോട്ടയം: നടി ആക്രമിക്കപ്പെട്ട സംഭവത്തില്‍ വിവാദ പരാമര്‍ശം നടത്തിയ പി.സി ജോര്‍ജ് എം.എല്‍.എയ്‌ക്കെതിരേ കേസെടുക്കണമെന്ന് യൂത്ത് ഫ്രണ്ട് (എം) സംസ്ഥാന പ്രസിഡന്റ് സജി മഞ്ഞക്കടമ്പില്‍ വാര്‍ത്താസമ്മേളനത്തില്‍ ആവശ്യപ്പെട്ടു. പീഡനത്തിന് ഇരയായ ശേഷം നടി അഭിനയിക്കാന്‍ പോവുന്നതിന് പകരം ആത്മഹത്യ ചെയ്യുകയായിരുന്നോ വേണ്ടതെന്ന് ജോര്‍ജ് വ്യക്തമാക്കണം. ഇരയെ അപമാനിച്ചുകൊണ്ടുള്ള ജോര്‍ജിന്റെ പെരുമാറ്റം സ്വഭാവികമായും സംശയത്തിന് വഴിവെക്കുന്നുണ്ടെന്നും അദ്ദേഹം പറഞ്ഞു.