കൊണ്ടോട്ടി: ഈ വര്‍ഷം നെടുമ്പാശ്ശേരിയില്‍ ഒരുക്കുന്ന ഹജ്ജ് ക്യാംപ് സൗകര്യങ്ങള്‍ വിലയിരുത്താന്‍ സംസ്ഥാന ഹജ്ജ് കമ്മിറ്റി യോഗം ഇന്ന് രാവിലെ 11 ന് കരിപ്പൂര്‍ ഹജ്ജ് ഹൗസില്‍ ചേരും. സംസ്ഥാന ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി അധ്യക്ഷനാകും. ഈ മാസം 12 മുതലാണ് നെടുമ്പാശ്ശേരിയില്‍ ഹജ്ജ് ക്യാംപ് ആരംഭിക്കുന്നത്. ഹജ്ജ് സര്‍വിസുകള്‍ 13ന് തുടങ്ങും. ക്യാംപിന്റെ പ്രവര്‍ത്തനങ്ങള്‍ സുഖമമായി നടത്താന്‍ ഓരോ ഹജ്ജ് കമ്മിറ്റി അംഗത്തിന്റെയും നേതൃത്വത്തില്‍ വിവിധ സബ്കമ്മിറ്റികള്‍ രൂപീകരിച്ചിട്ടുണ്ട്. സ്ത്രീകള്‍ ഉള്‍പ്പെടെ 300 ഹജ്ജ് വളണ്ടിയര്‍മാരുടെ സേവനവും ക്യാംപില്‍ ലഭ്യമാക്കും