കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട് നടി മഞ്ജു വാര്യരുടെ സഹോദരനും നടനുമായ മധു വാര്യരില്‍ നിന്ന് പൊലിസ് മൊഴിയടുത്തു. 

കേസുമായി ബന്ധപ്പെട്ട് ദിലീപിന്റെ ആദ്യ ഭാര്യയായ മഞ്ജു വാര്യരെ പൊലിസ് ചോദ്യം ചെയ്തിരുന്നതായി റിപ്പോര്‍ട്ടുകളുണ്ടായിരുന്നു.

അതേസമയം, ദിലീപിന്റെ ബന്ധുക്കളുടെ മൊഴിയും അന്വേഷണ സംഘം രേഖപ്പെടുത്തുന്നുണ്ട്. എന്നാല്‍, ഇവര്‍ ആരൊക്കെയാണെന്ന് വ്യക്തമായിട്ടില്ല. ആലുവ പൊലിസ് ക്ലബ്ബിലാണ് മൊഴിയെടുക്കല്‍ നടക്കുന്നത്.