ചവറ: പി.യു ചിത്രയ്ക്ക് പരിശീലനത്തിന് 25,000 രൂപയും, സി.കെ വിനീതിന് സെക്രട്ടറിയേറ്റ് അസിസ്റ്റന്റായും ജോലി നല്‍കിയ സര്‍ക്കാര്‍ നടപടി അഭിനന്ദനാര്‍ഹമെന്ന് വിദ്യാര്‍ഥി ജനത (യു) ചവറ മണ്ഡലം കണ്‍വന്‍ഷന്‍ യോഗം അഭിപ്രായപ്പെട്ടു.
കണ്‍വന്‍ഷന്‍ ജെ.ഡി.യു ദേശീയ സമിതി അംഗം സി.കെ ഗോപി ഉദ്ഘാടനം ചെയ്തു. യുവ ജനതാദള്‍ (യു) സംസ്ഥാന സമിതി അംഗം തസ്‌ലിം തേവലക്കര മുഖ്യപ്രഭാഷണം നടത്തി.
മണ്ഡലം പ്രസിഡന്റായി മെല്‍വിനെയും ജനറല്‍ സെക്രട്ടറിയായി ജിഷ്ണുവിനെയും യോഗം തെരത്തെടുത്തു. മാനുവല്‍ കോയിവിള, ജാക്‌സന്‍, ഷാഫി സംസാരിച്ചു.