തിരുവനന്തപുരം: സംസ്ഥാനസര്‍ക്കാരിന്റെ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നടപ്പാക്കുന്ന ഭാഷാ പരിപോഷണ പരിപാടിയുടെ മണമ്പൂര്‍ പഞ്ചായത്തുതല ഉദ്ഘാടനം തെഞ്ചേരിക്കോണം പി.ടി.എം യു.പി.എസ്സില്‍ അഡ്വ. ബി. സത്യന്‍ എം.എല്‍.എ ഉദ്ഘാടനം ചെയ്തു.
മണമ്പൂര്‍ പഞ്ചായത്ത് വൈസ്പ്രസിഡന്റ് എസ്. സുരേഷ്‌കുമാര്‍ അധ്യക്ഷനായി. വിദ്യാര്‍ഥികളുടെ കവിതാലാപനം, കൈയെഴുത്തു പ്രതി പ്രകാശനം എന്നിവയും ഉണ്ടായിരുന്നു.
ആറ്റിങ്ങല്‍ ബി.ആര്‍.സിയുടെ നേതൃത്വത്തിലാണ് ചടങ്ങുകള്‍ സംഘടിപ്പിച്ചത്. തെഞ്ചേരിക്കോണം പി.ടി.എം യു.പി.എസ്സിനു പുറമെ കവലയൂര്‍ എച്ച്.എസ്, മണമ്പൂര്‍ യു.പി.എസ് തുടങ്ങിയ സ്‌കൂളുകളിലെ വിദ്യാര്‍ഥികളും സന്നിഹിതരായിരുന്നു.
ബ്ലോക്ക് അംഗം പി.ജെ നഹാസ്, ആറ്റിങ്ങല്‍ ഡി.ഇ.ഒ സുജാത, ആര്‍.എസ് രഞ്ചിനി, മാവിള വിജയന്‍, പ്രശോഭനാ വിക്രമന്‍, എ. നഹാസ്, ജി. കുഞ്ഞുമോന്‍, വെട്ടൂര്‍ പി. ശശി, അബ്ദുല്‍അസീസ്, എ. ഗുലാം മുഹമ്മദ്, എസ് സുജിത്ത്, പാര്‍വ്വതി ജെ. ശരത്ത്, പി. സജി, ഷബീനാ ബീഗം സംസാരിച്ചു.