കൊട്ടാരക്കര: മുസ്‌ലിം സ്ട്രീറ്റ് ശാസ്താംമുകള്‍ എം.എസ് ഹൗസില്‍ സജീവിന്റെ വീട്ടിലെ കാര്‍ പോര്‍ച്ചില്‍ നിര്‍ത്തിയിട്ടിരുന്ന വാഗണര്‍ കാര്‍ മോഷ്ടിക്കാന്‍ ശ്രമം. ഇന്നലെ പുലര്‍ച്ചെ മൂന്നോടെയാണ് സംഭവം. കാറില്‍ ഘടിപ്പിച്ചിരുന്ന അലാറം മുഴങ്ങിയതോടെ മോഷ്ടാക്കള്‍ മോഷണശ്രമം ഉപേക്ഷിച്ച് കടന്നു കളയുകയായിരുന്നു.
കാറിന്റെ പുറകുവശത്തെ സൈഡ് ഗ്ലാസ് പൊട്ടിച്ച് ഡോര്‍ തുറന്ന് ഉള്ളില്‍ കയറി കാര്‍ മോഷ്ടിച്ചെടുക്കാനുള്ള ശ്രമമാണ് നടന്നത്. വീട്ടുകാര്‍ കൊട്ടാരക്കര പൊലിസില്‍ പരാതി നല്‍കി.
മുസ്‌ലിം സ്ട്രീറ്റ് ഭാഗങ്ങളില്‍ മോഷ്ടാക്കളുടെ ശല്യം രൂക്ഷമായി വരുകയാണെന്നും ഇവിടെ പൊലിസ് രാത്രി പെട്രോളിംഗ് ഏര്‍പ്പെടുത്തണമെന്നും നാട്ടുകാര്‍ ആവശ്യപെട്ടിരുന്നു.