വളാഞ്ചേരി: സാമൂഹിക താല്‍പര്യങ്ങളെ മുന്‍നിര്‍ത്തിക്കൊണ്ട് കാര്‍ഷിക, ക്ഷീരോല്‍പ്പാദന മേഖലയില്‍ ഉയര്‍ന്നു വരുന്ന സംരംഭങ്ങള്‍ എല്ലാവിധ പ്രോത്സാഹനങ്ങളും അര്‍ഹിക്കുന്നുവെന്ന് നിയമസഭാ സ്പീക്കര്‍ പി. ശ്രീരാമകൃഷ്ണന്‍ പറഞ്ഞു. കരേക്കാട് വടക്കുപുറത്ത് കാബ്രിയ എജു വെന്‍ച്വര്‍സിന്റെ ആദ്യ സംരംഭമായ എടയൂര്‍ ഫാംസ് ശിലാഫലക സ്ഥാപനവും ഉദ്ഘാടന കര്‍മവും നിര്‍വഹിച്ചു സംസാരിക്കുകയായിരുന്നു അദ്ദേഹം. ചെയര്‍മാന്‍ ഡോ. അബ്ദുറഹ്മാന്‍ കുട്ടി അധ്യക്ഷനായി. ആബിദ് ഹുസൈന്‍ തങ്ങള്‍  എം.എല്‍.എ പ്രോജക്ട് ഓഫിസ് ഉദ്ഘാടനം നിര്‍വഹിച്ചു. ഫരീദ് കാരേക്കാട്, മൊയ്തു എടയൂര്‍, ഡോ.സുലൈമാന്‍ മേല്‍പ്പത്തൂര്‍, എന്‍. കെ. അബ്ദുല്‍ ജലീല്‍ സംസാരിച്ചു.