സുല്‍ത്താന്‍ ബത്തേരി: കഞ്ചാവ് കടത്തുന്നതിനിടെ യുവാവിനെ എക്‌സൈസ് പിടികൂടി.  മലപ്പുറം മഞ്ചേരി സ്വദേശി സല്‍മാനുല്‍ ഫാരിസ് (22) ആണ് എക്‌സൈസിന്റെ പിടിയിലായത്. വയനാട് എക്‌സൈസ് ഡെപ്യൂട്ടി കമ്മിഷണര്‍ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് വടുവഞ്ചാല്‍ ചോലാടി പാലത്തിന് സമീപത്ത് വെച്ച് വെള്ളിയാഴ്ച്ച വൈകിട്ടോടെ പിടിയിലായത്.
ഇയാളില്‍ നിന്ന് 3.300 കിലോ ഗ്രാം കഞ്ചാവ് പിടികൂടി. കഞ്ചാവ് കടത്താന്‍ ശ്രമിച്ച ഇരുചക്രവാഹനവും എക്‌സൈസ് കസ്റ്റഡിയിലെടുത്തു. ഇയാളെ പിന്നീട് കോടതിയില്‍ ഹാജരാക്കും.
പരിശോധനയില്‍ എക്‌സൈസ് എന്‍ഫോഴ്‌സമെന്റ് ആന്‍ഡ് ആന്റി നര്‍കോട്ടിക് സ്‌ക്വഡ് ഇന്‍സ്‌പെക്ടര്‍ എം. റെജി ലാല്‍, പ്രിവന്റിവ് ഓഫിസര്‍ പി.കെ പ്രഭാകരന്‍, സി.ഇ.ഒമാരായ എ. മുജിബ് റഹ്മാന്‍, കെ.വി പ്രകാശന്‍, മിഥുന്‍, എ. അനില്‍, പ്രിവന്റിവ് ഓഫിസര്‍ പി.കെ പ്രഭാകരന്‍, പി.എസ് സുശാന്ത, ഡബ്ല്യൂ.സി.ഇ.ഒ ശ്രിജ മോള്‍ പങ്കെടുത്തു.