മലപ്പുറം: സി.പി.എമ്മും ബി.ജെ.പിയും വിശ്വാസത്തെ ചൂഷണം ചെയ്ത് വിശ്വാസികളെ വഞ്ചിക്കുകയാണെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. ശബരിമല നിരോധനാജ്ഞ പിന്‍വലിക്കുക ആരോപണ വിധേയനായ മന്ത്രി കെ.ടി ജലീല്‍ രാജിവയ്ക്കുക പ്രളയ ദുരിതാശ്വാസ പ്രവര്‍ത്തനത്തിലെ അപകാതകള്‍ പരിഹരിക്കുക തുടങ്ങിയ ആവശ്യങ്ങളുന്നയിച്ച് യു.ഡി.എഫ് മലപ്പുറം നിയോജക മണ്ഡലം കമ്മിറ്റി നടത്തിയ സായാഹ്ന ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. യു.ഡി.എഫ് മലപ്പുറം മണ്ഡലം ചെയര്‍മാന്‍ വീക്ഷണം മുഹമ്മദ് അധ്യക്ഷനായി. ഡി.സി.സി പ്രസിഡന്റ് അഡ്വ. വി.വി പ്രകാശ് മുഖ്യ പ്രഭാഷണം നടത്തി. മുസ്‌ലിം ലീഗ് ജില്ലാ സെക്രട്ടറി നൗഷാദ് മണ്ണിശ്ശേരി, ഡി.സി.സി സെക്രട്ടറിമാരായ പി.എ മജീദ്, സക്കീര്‍ പുല്ലാര, യു.ഡി.എഫ് മണ്ഡലം ജനറല്‍ കണ്‍വീനര്‍ വി. മുസ്തഫ, സി.എം.പി മണ്ഡലം പ്രസിഡന്റ് പി. അബ്ദുല്‍ ഗഫൂര്‍, ഇ. അബൂബക്കര്‍ ഹാജി, അബ്ദുറഹ്മാന്‍ പുല്‍പറ്റ, എം.കെ മുഹ്‌സിന്‍, സത്യന്‍ പൂക്കോട്ടൂര്‍, കെ.എം ഗിരിജ, പെരുമ്പള്ളി സൈത്, അഷ്‌റഫ് പാറച്ചോടന്‍, വി.എസ്.എന്‍ നമ്പൂതിരി, ഫാരിസ് പൂക്കോട്ടൂര്‍ സംസാരിച്ചു.