കട്ടപ്പന: അയല്‍ക്കാരെന്റെ കോഴി ചത്തെന്ന പരാതിയില്‍ സ്‌റ്റേഷനില്‍ വിളിച്ചു വരുത്തി യുവാവിനെ എസ്.ഐ ഭീഷണിപ്പെടുത്തുകയും മര്‍ദിക്കാന്‍ ശ്രമിക്കുകയും ചെയ്തതായി പരാതി. ഇരട്ടയാര്‍ സ്വദേശി ബിജേഷിനെയാണ് കട്ടപ്പന എസ്.ഐ സന്തോഷ് ഭീഷണിപ്പെടുത്തിയത്.
സംഭവത്തില്‍ യുവാവ് മുഖ്യമന്ത്രിക്ക് പരാതി നല്‍കി. വിഷം ഉള്ളില്‍ ചെന്ന് നാല് കോഴി ചത്തെന്നായിരുന്നു അയല്‍വാസിയുടെ പരാതി. ഏഴായിരം രൂപ നഷ്ടപരിഹാരം കൊടുക്കണമെന്നും അല്ലെങ്കില്‍ അറസ്റ്റ് ചെയ്ത് ലോക്കപ്പിലിടുമെന്നും എസ്.ഐ ഭീഷണിപ്പെടുത്തുകയായിരുന്നു.
കുറ്റം ചെയ്തിട്ടില്ലാത്തതിനാല്‍ തുക നല്‍കാനാവില്ലെന്ന് പറഞ്ഞതോടെ എസ്.ഐ അസഭ്യവര്‍ഷം നടത്തുകയായിരുന്നു.