തിരുവനന്തപുരം: ചുമട്ട് തൊഴിലാളി യൂണിയന്‍ എ.ഐ.ടി.യു.സി വിതുര പഞ്ചായത്തിലെ പൊന്നാംചുണ്ട് കുണ്ടാളംകുഴി യൂണിറ്റിലെ അംഗമായ ജി. ഗണേശിന്റെ മകന്‍ അഭിരാഗ് ജി മെഡിക്കല്‍ എന്‍ട്രന്‍സ് പരീക്ഷയില്‍ ഒന്നാം റാങ്ക് കരസ്ഥമാക്കി തിരുവനന്തപുരം മെഡിക്കല്‍ കോളജില്‍ പഠനത്തിന് തുടക്കം കുറിക്കാന്‍ പോകുന്നു. സി.പി.ഐ തിരുവനന്തപുരം ജില്ലാ സെക്രട്ടറി അഡ്വക്കേറ്റ് ജി.ആര്‍ അനില്‍ വീട്ടിലെത്തി പൊന്നാട അണിയിക്കുകയും ഉപഹാരം നല്‍കുകയും ചെയ്തു. 

അഭിരാഗ് വിതുരയിലെ സര്‍ക്കാര്‍ വക സ്‌കൂളില്‍ എല്‍.പി.എസ് മുതല്‍ ഹയര്‍ സെക്കന്‍ഡറി വരെ മലയാളം മീഡിയം സ്‌കൂളില്‍ പഠിച്ച് ആണ് എന്‍ട്രന്‍സ് പരീക്ഷ എഴുതിയത്. അമ്മ ജയശ്രീയുടെ അച്ഛന്റെ സഹായവുമാണ് പരീക്ഷയില്‍ വിജയം കരസ്ഥമാക്കാന്‍ കഴിഞ്ഞത്. ഏകസഹോദരി നഴ്‌സിങ് പഠനംപൂര്‍ത്തിയാക്കിയിരിക്കുകയാണ്.