എരമല്ലൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ചന്തിരൂര്‍ റെയിഞ്ചിന്റെ അഭിമുഖ്യത്തില്‍ സുപ്രഭാതം ശില്‍പശാല സംഘടിപ്പിച്ചു.
ചെട്ടുതറ ഇഹ് യാഉല്‍ ഇസ്‌ലാം മദ്രസയില്‍ നടന്ന പരിപാടി ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍സെക്രട്ടറി റ്റി.എച്ച് ജഅഫര്‍ മൗലവി ഉദ്ഘാടനം ചെയ്തു. റെയിഞ്ച് പ്രസിഡന്റ് ഹസന്‍ സഖാഫി അധ്യക്ഷത വഹിച്ചു.  ജില്ലാ ഓര്‍ഗനൈസര്‍ എ.എം.എം ശാഫി റഹ് മത്തുല്ലാഹ് വിഷയാവതരണം നടത്തി. മാനേജ്‌മെന്റ് അസോസിയേഷന്‍ പ്രസിഡന്റ് സി.കെ അബ്ദുല്‍ ജലീല്‍ വരിസംഖ്യ നല്‍കി കാംപയിന്‍ ഉദ്ഘാടനം ചെയ്തു.
മുഫത്തിശ് ഇ.സുലൈമാന്‍ മുസ്ലിയാര്‍, റെയിഞ്ച് സെക്രട്ടറി കെ.ബഷീര്‍ മൗലവി, പരീക്ഷാ ബോര്‍ഡ് ചെയര്‍മാന്‍ സുലൈമാന്‍ ദാരിമി, അബ്ദുല്‍ ഹക്കീം ഫൈസി, അഹമദ് കുട്ടി ഹാജി,  അരൂര്‍ ലേഖകന്‍ കൃഷ്ണകുമാര്‍ സംസാരിച്ചു.