ആലപ്പുഴ: തുമ്പോളി സാബു വധക്കേസ് പ്രതികളെ വെട്ടിക്കൊന്നു. പ്രതികളായ വികാസ്, ജസ്റ്റിന്‍ സോനു എന്നിവരാണ് കൊല്ലപ്പെട്ടത്. ഇന്നലെ രാത്രി 11 മണിയോടെയായിരുന്നു സംഭവം.

വികാസ് സംഭവസ്ഥലത്ത് വെച്ചും ഗുരുതരമായി പരിക്കേറ്റ ജസ്റ്റിന്‍ സോനു ആലപ്പുഴ മെഡിക്കല്‍ കോളജ് ആശുപത്രിയില്‍വെച്ചുമാണ് മരിച്ചത്.

ഗുണ്ടാസംഘങ്ങള്‍ തമ്മിലുള്ള പകയാണ് കൊലപാകത്തില്‍ കലാശിച്ചത്. തീര്‍ത്തശേരി കള്ളുഷാപ്പില്‍ നടന്ന കൊലപാതകവുമായി ബന്ധപ്പെട്ട മുന്‍ വൈരാഗ്യമാണ് കൊലപാതകത്തിലേക്ക് നയിച്ചത്.

സാബുവിന്റെ സുഹൃത്തുക്കള്‍ അടങ്ങുന്ന ആറംഗ സംഘമാണ് കൊലക്ക് പിന്നിലെന്നാണ് പോലീസ് വിലയിരുത്തല്‍. സാബു കൊലപാതക കേസില്‍ ജാമ്യത്തില്‍ ഇറങ്ങിയ ഇരുവരുടെയും പേരില്‍ നിരവധി അടിപിടി കത്തി കുത്തു കേസുകള്‍ ഉണ്ട്.