കോഴിക്കോട്: നാലാമത് കേരള ലിറ്ററേച്ചര്‍ ഫെസ്റ്റിവലില്‍ ഇന്ത്യയിലെ ആദ്യത്തെ ബഹിരാകാശ സഞ്ചാരി രാകേഷ് ശര്‍മ പങ്കെടുക്കും. ജനുവരി 10 മുതല്‍ 13 വരെ ഡി.സി കിഴക്കേമുറി ഫൗണ്ടേഷന്റെ ആഭിമുഖ്യത്തില്‍ കോഴിക്കോട് ബീച്ചിലാണ് കേരള ലിറ്ററേച്ചര്‍ ഫെസ്റ്റിവല്‍ നടക്കുന്നത്.
ബഹിരാകാശാ യാത്രാനുഭവങ്ങള്‍ രാകേഷ് ശര്‍മ കെ.എല്‍.എഫ് വേദിയില്‍ പങ്കുവയ്ക്കും. ഐ.എസ്.ആര്‍.ഒ മുന്‍ ചെയര്‍മാന്‍ ജി. മാധവന്‍നായര്‍ സെഷന്‍ നിയന്ത്രിക്കും. ശാസ്ത്രലോകത്തെ വിവിധ മേഖലകളിലെ നൂതന പ്രവണതകളെ കുറിച്ചും നിരവധി സെഷനുകള്‍ കെ.എല്‍.എഫില്‍ ഒരുക്കിയിട്ടുണ്ട്.