മനാമ: ബഹ്‌റൈന്‍ രാജകുടുംബാംഗം ശൈഖ നൂറ ബിന്‍ത് ഈസ ബിന്‍ സല്‍മാന്‍ ആല്‍ ഖലീഫ അന്തരിച്ചതായി ബഹ്‌റൈന്‍ റോയല്‍ കോര്‍ട്ടിനെ ഉദ്ധരിച്ച് ബഹ്‌റൈന്‍ വാര്‍ത്താ ഏജന്‍സി റിപ്പോര്‍ട്ട് ചെയ്തു.
ഖുര്‍ആന്‍ സൂക്തങ്ങളുദ്ധരിച്ച് അവരുടെ പരലോക ഗുണത്തിനായി പ്രാര്‍ത്ഥിക്കുന്നതായും നിര്യാണത്തില്‍ ആദരാജ്ഞലികള്‍ അര്‍പ്പിക്കുന്നതുമായി നല്‍കിയ സന്ദേശത്തില്‍ പുരുഷന്‍മാര്‍ക്ക് തഅ്‌സിയ്യത്ത് നടത്താനുള്ള സമയക്രമവും അറിയിച്ചിട്ടുണ്ട്.

ബുധന്‍, വ്യാഴം. വെള്ളി ദിവസങ്ങളില്‍ കാലത്ത് 10 മണി മുതല്‍ ഉച്ചക്ക് 12 വരെയും വൈകിട്ട് മൂന്നു മണി മുതല്‍ നാലു മണിവരെയും അല്‍ സഹര്‍ പാലസിലാണ് ഇതിന് സൗകര്യമൊരുക്കിയിരിക്കുന്നത്.